You are here: Почеток

Пливачка Федерација на Македонија

Поразени од Унгарија и покрај добрата игра

Македонските ватерполисти се поразени од Унгарците со 14 - 9. Овој резултат не ја одсликува реалната борба и добрата игра на нашите репрезентативци кои сепак не успеаа да дојдат до победа. Резултатот по четвртините беше следниов: 4-2, 4-4, 2-1, 4-2.

„Унгарија е многу силна репрезентација. Пробавме да играме во нападите многу лесно, со концентрација и цврста игра во одбраната. Мислам дека овој резултат е добар за нас и секогаш треба да играме со 'главата' како што игравме денес. “изјави селекторот Игор Гочанин по натпреварот.

 

Поразени во вториот натпревар

Вториот меч на Европското првенство во ватерполо кое се одржува во Ајндховен, Холандија, нашите репрезентативци го завршија со пораз 6-10 против репрезентацијата на Грција. 

„Без концентрација и без мотивација  во нападот, тоа е причината за овој резултат. Мораме да се потрудиме да одиграме подобро, со повеќе концентрација и смиреност.“ беше изјавата на селекторот Гочанин по завршетокот на натпреварот.

 

Фуриозен старт на ЕП, Македонија - Турција 16:4

Со фуриозна, тимска, брза и борбена игра, Македонската ватерполо репрезентација го започна Европското првенство во Ајндховен 2012 совладувајки ја репрезентациајта на Турција со неверојатни 16:4!

По раното водството од 0:1 на репрезентацијата на Турција, следеше неверојатен пресврт во корист на нашата репрезентација по кој резултатот и разликата по четвртини се движеше се повеќе и повеќе во корист на Македонија достигнувајки 16 гола за Македонија наспроти само 4 за Турција. Резултатот по четвртини беше:

 

Гочанин: „За почеток на Европското првенство, јас сум многу задоволен!”

По завршувањето на првиот меч за нашата репрезентација на Европското првенство во Ајндховен Холандија и по прекрасната победа над  репрезентациајта на Турција со неверојатни 16:4, изјави дадоа селекторот на нашата репрезентација Игор Гочанин, како и Мирослав Ранџич:

Игор Гочанин: “Како за прв меч, јас сум многу задоволен. Концентрацијата беше добра и се надевам дека ќе продолжиме да играме со глава и со концентрација при играч повеќе и при играч помалку. Тешко е да се каже нешто повеќе, бидејки резултатот е многу висок, но за почетокот на Европското првенство јас сум многу задоволен!”

   

Атмосферата одлична пред почетокот на ЕП

Атмосферата меѓу ватерполистите, нашите представници на Европското првенство во ватерполо кое започнува утре во Ајнхдовен, Холандија, е одлична!

Селекцијата е во комплетен состав и денес одржа два кратки тренинзи, во 14 и во 20 часот. Утре во 13 часот нашите ватерполисти го играат првиот меч од Европското првенство против селекцијата на Турција како дел од првото коло во Групата А. 

 

Прес конференција за учеството на ватерполо репрезентацијата на ЕП

Денес во 11 часот Пливачката Федерација на Македонија организираше прес-конференцја посветена на учеството на Македонската ватерполо репрезентација на Европското првенство во ватерполо кое ќе се одржи од 16-ти до 29-ти јануари во Ајндховен Холандија.

На прес конференцијата беа изнесени очекувањата на нашиот тим кои ги пренесе Владимир Димовски „Атакуваме на петтото место, но би биле задоволни и со пласман меѓу првите 8 репрезентации на првенството со што би обезбедиле учество во квалификакациите кои водат на Олимпијадата во Лондон“. Освен тоа беше објавен и составот на ватерполо репрезентацијата која ќе ја преставува нашата држава на Европското првенство:

 

Повреди кај ватерполистите, проблеми за Гочанин


Селекторот на Македонската ватерполо репрезентација Игор Гочанин на само неколку дена пред почетокот на Европското Првентво во ватерполо се соочува со проблеми со повредите со кои се здобија ватерполистите во текот на подготовките за ЕП.
 
Имено двајца клучни репрезентативци во текот на подготвителниот период се здобија со повреди и тоа Борис Летица кој има повреда на ушното тапанче, како и Иван Вуксановиќ кој беше повреден на подготвителниот турнир во Турција и во моментов има медицински санирана аркада. Двајцата ватерполисти се надвор од тренажниот процес се додека нивните повреди не се санираат целосно.
 
Сепак, добра вест за Гочанин е дека нивното закрепнување оди одлично и се очекува нивно враќање во базените во наредните неколку дена.
   

Лист 7 од 8

Пливање

Ватерполо Репрезентација

Ватерполо Клубови

Последни фотографии

Спонзори и помагатели

Банер
Банер
Банер
Банер
Банер
Банер

Медиумска поддршка

Банер

Линкови

http://www.fina.org/
Светска пливачка федерација
http://len.eu/
Европска пливачка федерација
Waterpolo EC 2012 Eindhoven
Официјален портал за ЕП 2012 во ватерполо