You are here: Почеток

Пливачка Федерација на Македонија

Резултати од трката во Дорјан 2014

Како што беше најавено, на 13 септември 2014 година се одржа последната трка од Македонскиот куп во далечинско пливање на Дојранско езеро. Се пливаше олимписката дисциплина на 10 км, како и 2,5 и 5 километри. На маратонот учестуваа нашите најдобри пливачи на чело со Поп Ацев. Томи Стефановски не ја започна трката иако беше најавено дека и тој ќе биде дел од оваа трка.
 

Пливачки маратон - Дојран 2014

На 13 септември 2014 година, повеќе натпреварувачи од различни категории ќе пливаат во водите на Дојранското Езеро, кога ќе биде одржана третата трка од Македонскиот куп во далечинско пливање, Дојран 2014. Стартот на трката е во 11:30 часот, пред општината Дојран, Градска Плажа.

 

Официјални резултати од Козјак 2014

На ден 30.08.2014 година, а во организација на ЈПУЗПП „Јасен“ и Пливачката федерација на Македонија се одржа спортската манифестација "Македонски куп во далечинско пливање - Козјак 2014".
 

Рикеман - победник на 28миот Охридски маратон

Белгиецот Брајан Рикеман е победник на годинашното 28-мото издание на Охридскиот пливачки маратон, кој се плива во рамките на гран при серијата на Светската пливачка федерација (ФИНА). Патеката „Климе Савин“, долга 30 километри, Рикеман ја исплива за точно 5 часа, 41 минута и 47 секунди. Во драматичниот финиш тој успеа да триумфира пред другите пет пливачи, со кои во група речиси истовремено ја мина последната контролна точка кај Канео. 

По завршувањето на трката, видно задоволниот Рикеман изјави:

"Добра и неизвесна трка до самиот крај. Имав среќа што останав на врвот и заедно со Евгениј Поп Ацев влеговме во фотофиниш, каде што пресуди физичката подготвеност. Секако дека сум среќен, а и следната година ќе дојдам во Охрид да се натпреварувам со другите пливачи".

   

28ми Охридски Маратон

Оваа сабота, на 23 август, 22 натпреварувачи од 14 земји ќе учествуваат на 28миот Пливачки маратон што ќе се одржи на патеката „Климе Савин“ од манастирот „Свети Наум“ до Градското пристаниште во Охрид.
Целта, според претседателот на Сојузот на спортови од Охрид, Коста Карадимче, е предвидена за по 17 часот, а по пристигнување на сите учесници на Градското пристаниште, покровителот на манифестацијата, Претседателот на Република Македонија Ѓорге Иванов ќе ги додели наградите. Наградниот фонд за 28-от Пливачки маратон е 10.000 долари.
 

Прва трка од македонскиот куп во далечинско пливање

На ден 17.08.2014 ќе се одржи првиот од предвидените 3 трки од Македонскиот Куп во далечинско пливање, на водите на Велешкото езеро “Младост”. Ќе пливаат 3 категории на пливачи, односно пливачи со 13/14 години (2000 и 2001г) кои ќе нстапат на 2,5км трка која започнува во 10:00, пливачи од 15-17 години (1999-1997) кои ќе настапат на трката долга 5км која започнува во 11:25 и најстарите пливачи, односно над 17 години (1996 и постари) која започнува во 11:15.
 

Македонски куп во далечинско пливање 2014

Пливачката федерација на Република Македонија, како тело кое секогаш се труди да го подигне нивото на спортските случувања во земјава, оваа година покрај маратоните во пливање на Акумулација Козјак и Дојранско Езеро, ќе организира и Македонски куп во далечинско пливање во Акумулација Велешко Езеро. Покрај тоа што овие случувања допринесуваат за развој на пливањето како спорт во земјава, на младите им нудат можност да ги запознаат овие преубави а сепак не толку екслоатирани туристички дестинации во Македонија на еден забавен начин.

   

Лист 2 од 8

Пливање

Ватерполо Репрезентација

Ватерполо Клубови

Последни фотографии

Спонзори и помагатели

Банер
Банер
Банер
Банер
Банер
Банер

Медиумска поддршка

Банер

Линкови

http://www.fina.org/
Светска пливачка федерација
http://len.eu/
Европска пливачка федерација
Waterpolo EC 2012 Eindhoven
Официјален портал за ЕП 2012 во ватерполо